Velkomin á útivistarsvæðin
Guðmundarlundur í nágrenni Elliðavatns. - Farið er upp fyrir Kóra- og Þingahverfi í Kópavogi, af Vatnsendavegi um Þingmannaleið og upp með hesthúsahverfinu á Heimsenda  KORT. - Önnur leið er frá Breiðholtsbraut inn Vatnsendahvarf og Vatnsendaveg. - Hægt er að taka Strætó nr. 28  og ganga í Guðmundarlund (um 1 km).
Fossá í Kjós, Hvalfirði. Ekið er um Kjalarnes og beygt inn Hvalfjörð áður en komið er að Hvalfjarðargöngum. Komið er að jörðinni Fossá stuttu áður en komið er inn í Hvalfjarðarbotn.  Um 1 klst akstur er úr Hamraborg í Kóp að Fossá.

Guðmundarlundur haust 2009

Grisjun að Fossá 2009

Aðalfundur Skógræktarfélags Kópavogs 2012

Aðalfundur Skógræktarfélagsins verður 21. mars 2012

Jólatrjáasalan á FOSSÁ 2011

Jólatrjáasalan gekk vel og þökkum við öllum fyrir að kaupa íslenskt jólatré hjá okkur. Velkomin aftur.

Jólafundur Skógræktarfélags Kópavogs

var haldinn 7. desember  2011 í Gullsmára 13, Kópavogi. Fundurinn var vel sóttur, fróðlegur og skemmtilegur.

1. Formaður fór þar yfir starfsemi félagsins frá síðasta aðalfundi, en hún hefur verið mjög umfangsmikil s.s. opnun skógarins á Fossá,  umsjón í Guðmundarlundi, hreinsunarstarfi í Vatnsendalandi og Lækjarbotnum, Selfjallið ofl. Margir hafa lagt hönd á plóg m.a. frá Atvinnuátakinu.

2. síðan flutti Hreinn Óskarsson skógfræðingur og skógarvörður á Suðurlandi mjög áhugavert erindi "Áhrif eldgosa og ösku á gróðurfar" þar sem hann lýsti m.a. í máli og myndum hæfileikum birkisins til vaxtar þó það lendi í öskufalli. Einnig hvernig hægt er að hefta öskufok með skógi, en það er einmitt eitt af markmiðum með ræktun Hekluskóga, en fyrst þarf að glíma við að koma þeim upp í vissa hæð og þéttleika.

3. Eftir kaffihlé var hið árlega happdrætti - þar sem 10 heppnir vinningshafar fengu jólatré frá Fossá.

OPINN SKÓGUR á Fossá

Þann 27. ágúst sl. var stór stund á Fossá í Hvalfirði þegar skógurinn þar var gerður að Opnum skógi.

Dagskrá opnunarinnar.   Myndir frá opnuninni.

Skógarreitir og trjálundir í Kópavogi

Fróðleg samantekt garðyrkjustjóra Kópavogs um skógarreiti og trjálundi í Kópavogi sem tilvalið er að skoða.

Fréttir

Hundrað ungmenni til viðbótar fá vinnu hjá Kópavogsbæ
Um hundrað ungmenni í Kópavogi frá átján ára aldri fá vinnu við skógræktarverkefni í sumar en það er liður í atvinnuátaksverkefni Kópavogsbæjar,
Skógræktarfélags Íslands, Skógræktarfélags Kópavogs
og Vinnumálastofnunar.

Þar með getur bærinn ráðið mun fleiri ungmenni til starfa í sumar en áður var gert ráð fyrir. Öll þau ungmenni, átján ára og eldri, sem var synjað um sumarvinnu en sóttu síðan um í atvinnuátaksverkefninu voru ráðin. Alls fá því um 710 ungmenni í Kópavogi vinnu hjá bænum í sumar.

Samningur um þetta verkefni var undirritaður í Guðmundarlundi í dag af þeim Guðrúnu Pálsdóttur, bæjarstjóra Kópavogs, Magnúsi Gunnarssyni, formanni Skógræktarfélags Íslands og Braga Michaelssyni,formanni Skógræktarfélags Kópavogs.

Ungmennin munu starfa á svæðum Skógræktarfélags Kópavogs, m.a. við gróðursetningu, uppgræðslu, hreinsun og fleira. Vinnunni er skipt í tvö tímabil. Fyrri hópurinn hóf störf í gær og starfar í fimm vikur en þá tekur síðari hópurinn við sem mun starfa í jafn langan tíma.
Vinnutíminn er frá átta til hálf fjögur á daginn.

(Fréttatilkynning 8.júní 2011)

Skógar- og fjölskylduganga 2. maí

gengið var frá Guðmundarlundi að mörkum skógræktarsvæða Kópavogs og Garðabæjar eftir vegslóða að Arnarbæli,síðan að hlöðnum rústum “Vatnsendaborg“  innan Heiðmerkur. Göngunni lauk síðan í Guðmundarlundi.
Gangan var í samvinnu við umhverfissvið Kópavogsbæjar í tilefni af degi umhverfisins og ári skóga 2011.

Aðalfundur Skógræktarfélags Kópavogs

var haldinn miðvikudaginn 23. mars

• Skýrsla stjórnar

• Skýrsla Fossár

• Félagsgjaldið var ákveðið 2.500kr

• Skipun stjórnar skógræktarfélagsins

• Erindi flutti Friðrik Baldursson garðyrkjufulltrúi Kópavogsbæjar um atvinnuátak og fleira á skógræktarsvæði Skógræktarfélags Kópavogs
  

Myndir af skólabörnum í Guðmundarlundi og skólareitum

Fleiri myndir af skólabörnum...

Víkingahátíð í Guðmundarlundi

Mikil hátíð var í Guðmundarlundi föstudaginn 11. júní þegar fjöldi farþega af skemmtiferðaskipi kom þangað - fleiri myndir

Á vorin er mikið líf og fjör í og við Guðmundarlund því þá koma m.a. krakkar úr öllum grunnskólum Kópavogs til að gróðursetja í skólareitunum sínum í Vatnsendaheiði. Þetta er árlegt og er liður í Yrkjuverkefni. 
Hér er tímaáætlun fyrir skólana.

Fréttabréf frá formanni, nóvember 2010.

Hús rís í Guðmundarlundi

Á 40 ára afmælisdegi Skógræktarfélags Kópavogs þann 25. september 2009 var tekin fyrsta skóflustunga að húsi í Guðmundarlundi.  Húsið verður félags- og þjónustuhús ásamt fræðslusetri og verður nýtt fyrir Skógræktarfélagið og grunnskólana og leikskólana í Kópavogi, svo og fyrir gesti Guðmundarlundar. Það voru Gunnsteinn Sigurðsson bæjarstjóri og Bragi Michaelsson formaður Skógræktarfélagsins sem tóku skóflustunguna.